16 Days White Ribbon Campaign.
- CRPH Norway
- Nov 30, 2022
- 1 min read
Updated: Nov 30, 2022
"အမျိုးသမီးနှင့် မိန်းကလေးငယ်များအပေါ် အကြမ်းဖက်မှုပပျောက်ဖို့၊ အားလုံးစုစည်းလုပ်ဆောင်စို့"
ကမ္ဘာတစ်ဝန်းလုံးမှာ ကျင်းပမြဲဖြစ်တဲ့ ဂျန်ဒါအခြေပြုအကြမ်းဖက်မှုများကို ဆန့်ကျင်ကြောင်းပြသမယ့် "၁၆ရက်တာလှုပ်ရှားမှုကမ်ပိန်း" အစီအစဉ်ကို နိုဝင်ဘာလ ၂၅ရက်နေ့ကနေပြီး ဒီဇင်ဘာလ၁၀ရက်နေ့အထိ ကျင်းပသွားမှာ ဖြစ်ပါတယ်။
ကျတော်၊ ကျမတို့ မြန်မာနိုင်ငံဟာဆိုရင် ဖက်ဆစ်စစ်တပ်ရဲ့မတရားအာဏာလု အုပ်ချုပ်မှုကို ခံခဲ့ရတာ နှစ်နှစ်နီးပါး ကြာမြင့်ခဲ့ပြီဖြစ်ပါတယ်။ ရက်စက်ကြမ်းကြုတ်တဲ့ စစ်အုပ်ချုပ်ရေးအတွင်းမှာ အမျိုးသမီးနဲ့ မိန်းကလေးငယ်ပေါင်းများစွာ ဖက်စစ်စစ်တပ်ရဲ့ အကြမ်းဖက်မှုဒဏ်ကို ခံစားခဲ့ကြရပါတယ်။
ဒီလိုအကြမ်းဖက်မှုတွေ ပပျောက်ဖို့၊ အမျိုးသမီးနဲ့ မိန်းကလေးငယ်တွေကို အကြမ်းဖက်မှုတွေကနေ ကာကွယ်ဖို့အတွက်ဆိုရင် ကျတော်ကျမတို့ လူမှုအဖွဲ့အစည်းထဲမှာ ပါဝင်သူတွေ အားလုံးမှာတာဝန်ရှိပါတယ်။ အတူတကွစုစည်းလုပ်ဆောင်ကြမှသာလျှင် ဒီလို ဂျန်ဒါအခြေပြုအကြမ်းဖက်မှုတွေကနေ ကာကွယ်နိုင်မှာဖြစ်ပါတယ်။
အမျိုးသမီးနဲ့ မိန်းကလေးငယ်တွေအပေါ် အကြမ်းဖက်မှု ဆန့်ကျင်တဲ့ ဒီကမ်ပိန်းမှာ သင်လဲ ပါဝင်နိုင်ပါတယ်။
ကမ်ပိန်းတွင်ပါဝင်ရန်
- ရင်ဘတ်တွင် ဖဲကြိုးဖြူတပ်ဆင်ပါ
- လက်သုံးချောင်းထောင်ပါ
- ဓာတ်ပုံရိုက်ပါ
- ဆိုရှယ်မီဒီယာတွင် ဓာတ်ပုံကို အောက်ပါစာသား၊ hashtags များနှင့်တကွ တင်ပါ။
"အမျိုးသမီးနှင့် မိန်းကလေးငယ်များအပေါ် အကြမ်းဖက်မှုပပျောက်ဖို့၊ အားလုံးစုစည်းလုပ်ဆောင်စို့"
Comments